Анализи ЛШ - четвртфинале вторник

Во првиот „двобој“ се среќаваат гигантот од Англија- Манчестер Јунајтед и многу незгодниот противник од Германија Баерн Минхен.Во вториот дуел се среќаваат француските екипи Лион и Бордо
Баерн Минхен - Манчестер Јунајтед И двете екипи се во серија на одлични резултати. Од едната страна Баерн Минхен има некаква предност бидејќи Манчестер Јунајтед гостуваат на Алианц Арената, а тука е и „незапирливото“ дуо Рибери - Робен кој имаат моќ да создадат многу непријатности за Ван дер Сар, но сепак Манчестер е тим кој многу лесно може да го реше натпреварот, првенствено преку одличниот Руни, а како негова поддршка тука се Валенсија и Нани, кои влегуваат во прекрасна форма. На секој почеток од натпреварите Манчестер влегува во мини-криза, која максимално треба да ја искористат баварците, ако Манчестер постигнат први гол , тогаш натпреварот ќе заврше уште со неколку гола во мрежата на Баерн како што беше и случајот со Милан.
Би типувал на нерешен резултат. Бидејќи Манчестер можеби е посилниот тим, но Баерн има домашен терен и играчи кои лесно можат да решат ваков натпревар.

Лион - Бордо. Ова е натпревар помеѓу две француски екипи. Како и да е во полуфиналето ќе гледаме една француска екипа без разлика која ќе биде од двете. Лион во француското првенство е во лоша форма се наоѓа во далеку полоша позиција од ланската година, дури на петтото место. За разлика од нив Бордо ја предводи француската лига и е во одлична форма. Лион покажа дека знае да игра во ЛШ декласирајќи го Реал Мадрид на свој терен, освен тоа во составор го имаат еден од најдобрите деструктивци Гуркуф, од кој се очекува голем придонес. Бордо е најефикасниот тим во ЛШ, ретко губи, играта му е со многу трчање и одлична организација.

Би типувал за Бордо. Поради далеку подобрата форма од Лион, но во никој случај не смее да се потцени Лион кој му одржа добра лекција на Реал од Мадрид.

Уште еден кикс на Милан!

Во неделното дерби Милан влезе како апсолутен фаворит на натпреварот, поради лошата форма на Лацио оваа сезона, но тоа не беше така и во текот на натпреварот. И покрај тоа што Милан во составот немаше голем дел од првотимците, сепак не смееше да си дозволи кикс со оглед на можноста за избивање кон тронот на лигата.

Во почетокот на натпреварот целата иницијатива ја имаше Милан, напаѓајќи со голема желба за да се постигне погодок, првата посериозна шанса ја имаше Сидорф кој од огромна далечина си создаде простор за шут, но топката заврши крај голот на Муслера.

Потоа топката се држеше на средината од теренот, така во 16 минута Роки одлично го проигра Зарате кој не успеа да реализира за големо изненадување.Една минута подоцна, Сидорф уште еднаш во центарот на вниманието, повторно удар од далешина и повторно непрецизен.

Драмата се случи во 18 минута, откако Фламини беше совладан, а главниот судија досуди пенал, кој со многу среќа го реализираше Бориело, за огромна радост на Сан Сиро.

Радоста на миланезите траеше само 12 минути, откако Лихштајнер успеа да погоди по грешка на Антонини. Во последните мигови од првото полувреме иницијативата ја превзеде Лацио, создавајќи многу проблеми за несигурниот Дида.

Во второто полувреме повторно росонерите го форсираа нападот, најсериозната шанса ја имаше Антонини кој од далечина биеше силно, голманот беше совладан но лацијалите пречката ги спаси од нов пораз.

Во 66 минута ветеранот Инзаги добро се проби и нафрли прекрасна топка за Бориело кој не се снајде баш најдобро и не создаде посебни проблеми за Муслера. Неколку минути подоцна на два пати се закани Лацио преку Лихштајнер, односно Дијаз.

Во завршната фаза на натпреварот уште една сериозна шанса за Милан, но неискусниот Абате не се снајде најдобро во улога на напаѓач. До крајот на натпреварот имаше уште неколку очајнички обиди на Милан, но сепак натпреварот заврши со головите од првото полувреме.

Со овие киксови на Милан и Интер, најмногу профитиреше тимот од Рим кој итро ги користи своите можности и отвара широк пат кон лидерската позиција од Серија А.

Рома се враќа во играта - „Трка за Скудетото“

Рома е таа која најсилната италијанска лига ја прави повторно многу неизвесна, откако на Олимпико го декласираше силниот Интер!! Натпреварот заврши со 2-1 со што Рома ја прави завршницата на Серија А се поинтересна, и поинтересна...
Неочекувано Римската Волчица на почетокот од натпреварот создаде силен притисок кон голот на Цезар, креирајќи мајсторски неколку шанси за гол. Првиот погодок пристигна во 17 минута, откако Де Роси ја искористи грешката на Цезар и прецизно биеше кон голот на Интер за посебна атмосфера на Олимпико.
Во продолжението од натпреварот Рома повтроно создаваше проблеми за последната линија на Интер, но најсериозната шанса и припадна на Самуел, кој во 42 минута со глава ја погоди пречката од голот на Рома.
Во вториот дел од натпреварот сосема различна игра на Интер, уште во раната фаза од вториот дел Милито можеше да израмни, но не ја искористи најдобро својата прилика.
Тоа што сите го очекуваа пристигна во 65 минута откако Милито постигна гол за 1-1. Горан Пандев со одлично додавање асистираше до Милито кој не успеа по втор пат да се запише во листата на стрелци.Казната дојде во 72 минута кога Тони реализираше за 2-1 и вклучување на Рома во трката по Скудетото.
Во последниот дел од второто полувреме Милито уште еднаш имаше одлична можност, но овој пат стативата на Рома не дозволи да се стави точка на Калчо Лигата.
Со овој натпревар Рома се доближува на -1 од Интер, а сега на потег е и Милан кој е на -4 и натпревар помалце во однос на првопласираниот Интер.

Без победник заврши дербито на Сан Сиро!

Неделно попладневно дерби на Сан Сиро помеѓу Милан и Наполи. Откако во саботата Интер ремизираше против Палермо, Милан имаше одлична можност да го смени насловот во Серија А. После речиси еден месец младиот бразилец Пато се врати во составот на Леонардо, што создаваше дополнителни грижи за трењерот на Наполи.
Првите 10 минути претежно се играше на средината од теренот, но тоа се смени кога по една одлична акција на Лавеци, топката среќно се врати до Кампањаро кој реализираше за 0-1 .
По 15 минути игра Пато повторно се пожали на повреда по што Леонардо принудно мораше да изврши замена. Во 20 минута се зголеми притисокот кон голот на Абијати откако Лавеци се обиде атрактивно да го изненади Абијати.
Казната пристигна во 26 минута, откако Роналдињо мајсторски нафрли за Инзаги , а тој погоди за израмнување од 1-1 . До крајот на првото полувреме имаше неколку закани од двата тима преку Хамшик, Мансини, Роналдињо и Лавеци.
Во 49 минута Сидорф испрати одлична топка до Пипо и Мансини која не успеваат да ја искористат. 10 минути подоцна уште една закана на Милан откако Антонини и Роналдињо одлично создадоа застрашувачка акција која не успеа да ја доврше Инзаги.
Во 61 минута нова можност за гостите од Неапол, но Кујарела не успеа со глава да ја затресе мрежата на Милан. Веднаш потоа уште една одлична можност на Кујарела, но овој пат Абијати беше херојот на Милан.
Во последната фаза на натпреварот Милан се обидоа да создадат силен притисок, но мрежата на гостите мируваше до крајот на полувремето. Натпреварот заврши со головите од првото полувреме, Милан не успеа да го симне Интер од 6 годишниот трон, а дали тоа ќе му успее во преостанатите кола останува да видеме...

Дали Милан го напаѓаат тронот во Калчо Лигата?!

Избраниците на Леонардо влегоа како апсолутен фаворит во натпреварот против Киево, со еден куп мотивации поради огромните шанси за превземање на тронот од рацете на Интер.
Иако се очекуваше многу поагресивна игра од страна на росонерите, сепак нивната игра во првото полувреме беше сосема очајна. Првото полувреме беше без некои посериозни шанси за гол. Кон голот на Киево се закани само Бориело со глава, но голманот на Киево го положи тешкиот испит. До крајот на првото полувреме Киево постигнаа еден погодок, кој беше поништен поради офсајд.
Драмата се одвиваше во второто полувреме, најпрво Пелисие во 53 минута се закани кон празниот гол на Абијати, но на вистинското место се најде Т.Силва.
Неколку минути подоцна Роналдињо од голема далечина го погоди внатрешниот дел на стативата, но росонерите немаа среќа па топката излезе надвор од голот.
Во 61 минута по една одлична асистенција на Роналдињо, Бориело не успеа да реализира. Во 70 минута Лусиано имаше одлична можност „волеј“ но биеше крај голот. Сепак најсериозната шанска за гол ја имаше Инзаги кој во 73 не успеа да го погоди голот на Киево. До последната фаза на натпреварот се посилен беше притисокот на Милан, па така Бекам во 83 минута се најде еден на еден со голманот на Киево, но среќата повторно беше против Милан.
Кога речиси сите надежи на росонерите беа изгубени, џокерот на Леонардо, Кларенс Сидорф од тешка позиција маестрално го матираше голманот на Киево за огромна радост на Сан Сиро.
До крајот на натпреварот немаше некои посериозни шанси, а натпреварот се затвори со конечните 1-0 за домаќините, со што росонерите опасно го напаѓаат тронот на Интер.


K.Д.